Millimizin Çexiya sınağı

21 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində növbəti oyununa çıxacaq.

Millimiz evdə Çexiyanın müvafiq yaş qrupundan ibarət komandası ilə qarşılaşacaq.
“Bank Respublika Arena”da keçiriləcək görüş Bakı vaxtı ilə saat 17:45-də başlanacaq. İrlandiyadan olan hakimlər briqadasının idarə edəcəyi qarşılaşma “CBC Sport” kanalı vasitəsilə canlı yayımlanacaq.

25 sentyabr 2026

17:45. Azərbaycan (U-21) - Çexiya (U-21)
Hakimlər: Aaron O`Doud, Darra Kigan, Şeyn Cerrard O`Brayen, Pol Norton
Bank Respublika Arena

Xatırladaq ki, yığmamız sentyabrın 30-da Şotlandiya, oktyabrın 6-da isə Cəbəllütariq millisi ilə qarşılaşacaq.