https://innews.az/uploads/news/2026-11/_innews_cc51cbe1ca8107fb49ed40d5a_o.jpg
ADPU-nun Məktəbəqədər təhsil fakültəsinin tələbə təşkilatlarının təşəbbüsü ilə 8 Noyabr – Zəfər Gününə həsr olunmuş “Zəfərin möhürü” adlı tədbir keçirilib.
Tədbir Azərbaycanın ərazi bütövlüyü və suverenliyi uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə başlayıb.
Giriş sözü ilə çıxış edən fakültənin dekanı dosent Nailə Hüseynova tədbirin əhəmiyyətini vurğulayaraq Zəfər Gününün Azərbaycan tarixindəki müstəsna yerindən bəhs edib.
Tədbirin fəxri qonaqları sırasında Şəhid Zaur İsmayılzadənin anası Sevil Hüseynova, eləcə də fakültənin tələbəsi, 44 günlük Vətən müharibəsinin iştirakçısı Bəbir Qasımov yer alıblar. Qonaqların səmimi və təsirli çıxışları tədbir iştirakçıları tərəfindən böyük ehtiramla qarşılanıb, Vətən müharibəsinin qəhrəmanlıq salnaməsinə dair unudulmaz anlar yaşanıb.
Tədbir çərçivəsində tələbələr tərəfindən müxtəlif bədii kompozisiyalar, rəqs nümunələri, musiqi ifaları və şeirlər təqdim edilib.
Ən son xəbərləri səhifəmizdən də izləyin
