Bakı Limanının əməkdaşları, şəhid limançıların ailələri ilə birgə 20 Yanvar şəhidlərinin əziz xatirəsini yad edib

20 Yanvar - Ümumxalq Hüzn Günü ilə bağlı Bakı Limanının əməkdaşları Şəhidlər Xiyabanını ziyarət edib. Azərbaycanın azadlığı, müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsi dərin ehtiramla yad edilib.

Eyni zamanda, Bakı Limanının rəhbərliyi şəhid olan Liman əməkdaşlarının ailə üzvləri ilə görüş keçirilib, şəhid ailələrinin fikirləri dinlənilib. Bundan başqa Bakı Limanının, Limanda fəaliyyət göstərən digər dövlət qurumlarının və özəl şirkətlərin əməkdaşları, liman ərazisində şəhidlərimizin xatirəsinə inşa edilən abidə və park kompleksini ziyarət edib. Burada Şəhidlərimizin ruhu bir dəqiqəlik sükutla yad edilib və Allahdan bütün şəhidlərə rəhmət dilənib.