Günay Əfəndiyeva Türkiyənin Azərbaycandakı səfirliyini ziyarət edərək başsağlığı verib

Beynəlxalq Türk Mədəniyyəti və İrsi Fondunun prezidenti Günay Əfəndiyeva Türkiyə Respublikasının Azərbaycan Respublikasındakı səfirliyini ziyarət edib.

Günay Əfəndiyeva Türkiyə Respublikasının Azərbaycan Respublikasındakı fövqəladə və səlahiyyətli səfiri Cahid Bağcı ilə görüşərək ölkənin cənub-şərqində meydana gəlmiş, minlərlə insanların ölümünə səbəb olmuş şiddətli zəlzələlərlə əlaqədar başsağlığı verib.

Fondun prezidenti səfirliyin matəm kitabına ürək sözlərini yazıb.