Özbəkistanın dövlət rəsmiləri Bakı Limanında səfərdə olub

Özbəkistanın dövlət rəsmiləri Bakı Limanında səfərdə olub Özbəkistanın dövlət rəsmiləri Bakı Limanında səfərdə olub https://innews.az/az/news/id-9685

Özbəkistan Respublikasının Nəqliyyat nazirinin müavini Abdusamat Muminovun rəhbərlik etdiyi nümayəndə heyəti ilə Bakı Limanında görüş keçirilib.

Nümayəndə heyətində həmçinin Özbəkistan Respublikasının “Özbəkistan Dəmir Yolları” QSC -nin İdarə Heyəti sədrinin müavini Akmal Kamalov, o cümlədən Özbəkistanın dövlət qurumlarının rəsmiləri və özəl şirkətlərin rəhbələri təmsil olunub.

Görüş zamanı tərəflər arasında Özbəkistanda fəaliyyət göstərən quru limanlar və logistika şirkətləri ilə Bakı Limanı arasında əməkdaşlığın daha da genişləndirilməsi, Bakı Limanı üzərindən Asiya və Avropaya yükdaşımalarının artırılması imkanları müzakirə edilib.

Qeyd edək ki, Özbəkistan ilə Bakı Limanı arasında yük dövriyyəsi artmaqda davam edir. Belə ki, keçən il ərzində yükdaşımaların həcmi 904 min tondan çox olub ki, bu da 2021-ci il ilə müqayisədə 65 % çoxdur. Yük dövriyyəsinin əsas hissəsini təkərli nəqliyyat vasitələri, konteynerlər, quru yüklər, xam materiallar, qida, neft və neft məhsulları təşkil edib.

Qeyd edək ki,  bu görüş, Rəqəmsal İnkişaf və Nəqliyyat Nazirliyinin təşkilatçılığıyla keçirilən Azərbaycan Respublikası ilə Özbəkistan Respublikası arasında nəqliyyat və tranzit yükdaşımalar üzrə birgə işçi qrupunun ilk iclası çərçivəsində baş tutub.