Tələbələr Milli Paralimpiya Komitəsində təcrübə keçəcəklər

Azərbaycan Dövlət Bədən Tərbiyəsi və İdman Akademiyasının tələbələri Milli Paralimpiya Komitəsində təcrübə keçəcəklər.

Fevralın 15-i Azərbaycan Respublikası Milli Paralimpiya Komitəsinin prezidenti İlqar Rəhimov Azərbaycan Dövlət Bədən Tərbiyəsi və İdman Akademiyasının təcrübə keçəcək tələbələrini qəbul edib. Komitə prezidenti İ.Rəhimov tələbələrə Azərbaycan paralimpiya hərəkatının 27 ildə əldə etdiyi nailiyyətlər və Komitənin failliyyəti barədə məlumat verib. Daha sorna İlqar Rəhimov tələbələrlə söhbət edib, onlara öz tövsiyələrini verərək uğurlar arzulayıb.

Görüşdən sonra Azərbaycan Dövlət Bədən Tərbiyəsi və İdman Akademiyasının tələbələri Komitənin iş fəalliyyəti ilə yaxından tanış olub, Komitə əməkdaşları tərəfindən onlar üçün iş bölgüsü aparılıb.