Nazir Rəşad Nəbiyev Göyçayda şəhid ailəsini ziyarət edib

Rəqəmsal inkişaf və nəqliyyat naziri Rəşad Nəbiyev vətəndaşların qəbulu ilə əlaqədar Göyçay rayonuna səfəri çərçivəsində şəhid ailəsini ziyarət edib.

Nazir, şəhid polkovnik-leytenant Vidadi Xəlilovun ailə üzvləri ilə görüşüb, qayğıları ilə maraqlanıb.

Görüşdə yaxınları şəhidlə bağlı xatirələrini bölüşüblər, onun Vətən müharibəsində keçdiyi döyüş yolundan danışıblar.