https://innews.az/uploads/news/2023-04/_innews_3fcd293e61baa82eab5f33761_o.jpg
"Alı kişi oğlu Rövşəni yanına çağırır və deyir: "Atları qaranlıq bir yerdə 40 gün saxlamaq lazımdır, ancaq elə etmək lazımdır ki, atların üstünə gün işiğı düşməsin". Koroğlu atları qaranlıq bir yerə salır və 40 günün bitməsini gözləyir, lakin 39-cu gün Rövşənin səbri tükəndiyindən qapını aralayır və beləcə Düratın üstünə işıq düşür. Bu səbəbdən Dürat qanadlarını itirir".
“Səbr gec bar verən, amma dadlı meyvəsi olan ağacdır” – deyirdi Həzrəti Yusif… Səbr insanın öz nəfsi ilə mübarizə aparmasıdır və bu mübarizələrin ən çətinidir. İnsan nəfsi elə bir şeydir ki, onu öz başına buraxsan alçaqlığa meyl göstərib bataqlığa batar, cilovlayıb istiqamət versən fəzilət yüksəklilərini fəth edər. Nəfsin istiqamətini təyin edən xəritə isə səbrdir. Səbr insan nəfsini tərbiyələndirir, insanı mənfi əməllərdən, yanlış qərarlardan qoruyar. Uca Rəbbimiz də səbr edən bəndələrini sevər və mükafatlandırar. Necə ki, xalqımızı 44 günlük müharibədə mükafatlandırdı…
Səbr etdik, doğru zamanı gözlədik. 30 illik həsrətimizin mükafatı qələbəmiz oldu.
Uca Rəbbimizin izni ilə Səbr ayını yaşayırıq. "Könüllərin Sultanı" Ramazanda səbrli olmağı, nəfsimizi cilalamağı öyrənirik. Oruc səbrin yarısıdır, səbrdə imanın…
Bu müqəddəs ayda 11 ay ərzində səbrsizlik göstərib, nəfsimizə uyub çiynimizə aldığımız yüklərdən qurtulmaq üçün Allah hər birimizə səbr,dözüm versin
Nəzrin Süleymanova,
BDU-nun Jurnalistika fakültəsinin tələbəsi
Ən son xəbərləri səhifəmizdən də izləyin
