https://innews.az/uploads/news/2026-02/_innews_a56d495639405b53e62b3f6d5_o.jpg
Azərbaycan Dövlət Pedaqoji Universitetində (ADPU) Tələbə Həmkarlar İttifaqı Komitəsinin təşkilatçılığı ilə “Xocalı – qanlı gecənin naləsi” adlı anım tədbiri keçirilib. Tədbirdə universitet rəhbərliyi, professor-müəllim heyəti və tələbələr iştirak ediblər.
Tədbir Azərbaycan Respublikasının Dövlət Himninin səsləndirilməsi ilə başlayıb.
ADPU-nun rektoru professor Cəfər Cəfərov açılış nitqi ilə çıxış edərək, Xocalı faciəsinin xalqımızın qan yaddaşı olduğunu və bu kimi tədbirlərin tarixi həqiqətlərin yaşadılmasında mühüm rol oynadığını bildirib.
Tədbirdə çıxış edən Elm və Təhsil İşçiləri Həmkarlar İttifaqı Respublika Komitəsinin sədr müavini Mirzə Cəfərzadə Xocalı həqiqətlərinin beynəlxalq ictimaiyyətə çatdırılmasının vacibliyini vurğulayıb.
Tədbir tələbələrin ifasında Xocalı faciəsinə həsr olunmuş ədəbi-bədii kompozisiyalarla davam edib.
