https://innews.az/uploads/news/2026-03/_innews_9712fdb1f1ee7571374d386e0_o.jpg
Çərşənbə günü Türkiyənin Bodrum şəhərində yaşayan Aynurə Yusifzadənin təşkilatçılığı ilə Novruz bayramına həsr olunmuş Azərbaycan gecəsi keçirilib. Tədbirdə Bodrumda yaşayan azərbaycanlı icmasının nümayəndələri bir araya gələrək milli bayramın ənənələrini birlikdə qeyd ediblər.
Tədbirin təşkilatçısı Aynurə Yusifzadə Azərbaycan milli mətbəxinin zənginliyini nümayiş etdirərək süfrələri milli yeməklərlə bəzəyib və qonaqlara Novruzun ənənəvi ab-havasını yaşadıb.
Gecənin xüsusi qonaqlarından biri aktyor, bəstəkar, mahnı müəllifi və Cumhuriyyətçi Millət Partiyasının Bodrum sədri Kama Peker olub. O, tədbirdə iştirakı ilə gecəyə xüsusi rəng qataraq Azərbaycan mədəniyyətinə və Novruz ənənələrinə göstərilən diqqətin önəmini vurğulayıb.
Bayram ab-havasında keçən gecədə milli musiqilər səsləndirilib, Novruz adət-ənənələri təqdim olunub və iştirakçılar səmimi atmosferdə bir araya gəliblər. Tədbir xaricdə yaşayan azərbaycanlıların milli birlik və mədəni bağlarının qorunmasında mühüm rol oynadığını bir daha nümayiş etdirib.
