Pedaqoji Universitetdə prof. Firuddin Cəlilovla görüş

Martın 11-də Azərbaycan Dövlət Pedaqoji Universitetində (ADPU) Filologiya fakültəsinin təşkilatçılığı ilə “I Türkoloji Qurultayın 100 illiyi: Əlifba məsələləri” adlı tədbir çərçivəsində türkoloq professor Firudin Cəlilovla görüş keçirilib.

Tədbir türk dünyasının elmi və mədəni tarixində mühüm mərhələlərdən biri hesab olunan Birinci Türkoloji Qurultay və onun ən mühüm müzakirə istiqamətlərindən biri olan əlifba məsələləri mövzusuna həsr olunub.

Uzun illərdir türk dilləri, türkoloji araşdırmalar və əlifba problemləri ilə bağlı dəyərli elmi tədqiqatların müəllifi kimi tanınan türkoloq alim, filologiya elmləri doktoru, professor Firudin Cəlilovla görüşdə ADPU rəhbərliyi, Filologiya fakültəsinin professor-müəllim heyəti və tələbələr iştirak ediblər.

Tədbirdə əlifba məsələlərinin tarixi inkişafı, müasir dövrdə qarşıya çıxan problemlər və gələcək perspektivlər barədə məruzə edilib, tələbələrin sualları cavablandırılıb.