https://innews.az/uploads/news/2026-09/_innews_e5bddf6750a4377a75619e4f9_o.jpg
“Əbədi Birlik” Gənclər İctimai Birliyinin təşkilatçılığı ilə Milli Musiqi Gününə həsr olunmuş tədbir keçirilib.
“Əbədi Birlik” Gənclər İctimai Birliyinin tədbirlərin təşkili və idarəedilməsi üzrə katibi Leyla Səfərovanın aparıcılığında tədbirin xüsusi qonaqları sırasında Azərbaycan Respublikasının Əməkdar Artisti Elza Seyidcahan, müğənni Rasimə Seyidcahan, Türk Dünyası Həmrəy və Sülh Qadınlar Alyansının sədri, bəstəkar Aybəniz Güllər (Bədəlova), tanınmış azərbaycanlı hüquqşünas, vəkil və yazıçı-müəllif Lətifə Oruc, Türk Dünyası Həmrəy və Sülh Qadınlar Alyansının üzvü Sahibə Məmmədova yer alıb.
Tədbiri giriş sözü ilə açan “Əbədi Birlik” Gənclər İctimai Birliyinin sədri Şahin Əliyev Milli Musiqi Gününün əhəmiyyətindən danışaraq Azərbaycan musiqisinin xalqımızın milli-mədəni irsində xüsusi yer tutduğunu qeyd edib. O, milli musiqimizin qorunması, təbliği və gələcək nəsillərə çatdırılmasının vacibliyini vurğulayıb.
Daha sonra tədbirdə Elza Seyidcahan çıxış edərək Azərbaycan musiqisinin zənginliyindən, milli musiqi dəyərlərinin qorunmasının və gənclər arasında təbliğinin əhəmiyyətindən danışıb.
Aybəniz Güllər (Bədəlova) çıxışında milli musiqimizin inkişafında bəstəkarların, ifaçıların və musiqi xadimlərinin roluna toxunub, Azərbaycan musiqisinin Türk Dünyasının ortaq mədəni dəyərləri ilə bağlılığını xüsusi qeyd edib.
Lətifə Oruc isə çıxışında milli-mədəni irsin qorunmasının hüquqi və ictimai əhəmiyyətindən bəhs edib, Azərbaycan musiqisinin ölkəmizin mədəniyyətinin dünyada tanıdılmasındakı rolunu vurğulayıb.
Tədbirdə digər qonaqlar və iştirakçılar da çıxış edərək Milli Musiqi Günü münasibətilə öz fikirlərini bölüşüblər.
Tədbirin bədii hissəsində qarmon ifaçısı Sənan Qarayev (Müşviq), pianist Nihad Cəfərov, müğənni Soltan Samedli və gitarist Pərviz Allahverdiyev (DeCastro) müxtəlif musiqi nümunələri ifa edərək tədbir iştirakçılarına xoş anlar yaşadıblar.
Tədbir çərçivəsində iştirakçılara Təşəkkürnamələr təqdim olunub və tədbirin sonunda qonaqlar və təşkilatçılarla xatirə fotosu çəkilib.
Ən son xəbərləri səhifəmizdən də izləyin
