https://innews.az/uploads/news/2025-05/_innews_00c94fb1984fcfd8401cafaee_o.jpg
“Həkimlərimizi tanıyın!” rubrikamızda Sizə Mərkəzi Gömrük Hositalının Nefrologiya və Efferent Terapiya şöbəsinin həkim-nefroloqu Dr. Şəbnəm Qədməliyevanı təqdim edirik.
Dr. Şəbnəm Qədməliyeva Mərkəzi Gömrük Hospitalında nefroloji xəstələrin və böyrək transplantasiyası keçirmiş pasiyentlərin poliklinik və stasionar müalicəsini, uzunmüddətli hemodializ kateterinin qoyulmasını, kəskin və xroniki böyrək çatışmazlığında hemodializ, hemofiltrasiya, izolyasiya olunmuş ultrafiltrasiya və membran plazmafarez prosedurlarını icra edir. Həkim barədə daha ətraflı məlumat almaq üçün bu linkə daxil ola bilərsiniz: https://customshospital.az/shebnem-qedimeliyeva/#
Şəbnəm həkim 2012–2018-ci illərdə Azərbaycan Tibb Universitetinin Müalicə işi fakültəsində təhsil almış və universiteti fərqlənmə diplomu ilə bitirmişdir. Peşəkar inkişaf yolunda uğurla irəliləyən Şəbnəm həkim 2018–2022-ci illərdə Mərkəzi Gömrük Hospitalının Nefrologiya və Efferent Terapiya şöbəsində nefrologiya ixtisası üzrə rezidentura təhsili almışdır.
Rezidentura müddətində o, bu sahənin tanınmış mütəxəssislərinin rəhbərliyi altında dəyərli bilik və təcrübə qazanmışdır. Onun əsas kuratoru, Efferent Terapiya şöbəsinin rəisi, həkim-nefroloq Dr. Mirmənsim Məmmədov olmuş, onun elmi rəhbərliyi altında Şəbnəm həkim nefrologiyanın müxtəlif istiqamətləri üzrə nəzəri və praktiki biliklərini zənginləşdirmişdir. Eyni zamanda, Cərrahiyyə və Transplantasiya şöbəsinin rəisi, cərrah-transplantoloq Dr. Mircəlal Kazıminin dəstəyi ilə böyrək transplantasiyası sahəsində praktiki təcrübə qazanmışdır.
Peşəsinə böyük həvəs və məsuliyyətlə yanaşan Dr. Şəbnəm Qədməliyeva daim tibbin inkişaf tendensiyalarını izləyir, müasir yanaşmaları mənimsəməyə və biliklərini daim təkmilləşdirir. O, ölkəmizdə və xaricdə nefrologiya sahəsi üzrə təşkil edilən müxtəlif elmi tədbirlərdə, konfrans və konqreslərdə aktiv şəkildə iştirak edir. O, Azərbaycan Nefroloqlar Cəmiyyətinin üzvüdür. Şəbnəm həkimin qəbuluna yazılmaq üçün əlaqə nömrəsi: (012) 404-08-08.
Ən son xəbərləri səhifəmizdən də izləyin
