ADU yeganə əcnəbi müəllim: Pakistanlı Mahmud Atharın tədris və mədəni fəaliyyəti

ADU yeganə əcnəbi müəllim: Pakistanlı Mahmud Atharın tədris və mədəni fəaliyyəti ADU yeganə əcnəbi müəllim: Pakistanlı Mahmud Atharın tədris və mədəni fəaliyyəti https://innews.az/az/news/id-56722

Azərbaycan Dillər Universitetində (ADU) 2020-ci ildən fəaliyyət göstərən Pakistanlı Mahmud Athar, universitetin həm akademik, həm də mədəni həyatında önəmli rol oynayır. Filologiya fakültəsində Beynəlxalq jurnalistika və Beynəlxalq Münasibətlər, Regionşünaslıq fakültəsində isə Urdu dili fənnini tədris edən Mahmud Athar, tələbələr arasında nüfuzlu müəllim kimi tanınır.

2021-ci ildən ADU-nun Pakistan Mədəniyyət Mərkəzinin müdiri vəzifəsində çalışan Mahmud Athar, Azərbaycan və Pakistan arasında mədəni və təhsil əlaqələrinin gücləndirilməsində fəal iştirak edir. O, universitetdə təşkil olunan müxtəlif seminarlar, mədəni tədbirlər və beynəlxalq forumlarda Pakistan mədəniyyətini və dilini tanıtmaqla tələbələrə yeni biliklər qazandırır.

Akademik sahədə də uğurlu fəaliyyət göstərən Mahmud Athar Bakı Dövlət Universitetinin Beynəlxalq Münasibətlər ixtisası üzrə bakalavr, magistr və doktorantura dərəcələrini uğurla bitirib. Hazırda isə o, Azərbaycan Dillər Universitetində Beynəlxalq Münasibətlər üzrə doktorantura təhsil alaraq elmi fəaliyyətini davam etdirir.

Tələbələr və həmkarları tərəfindən hörmətlə qarşılanan Mahmud Athar, həm tədris, həm də mədəniyyət sahəsindəki fəaliyyəti ilə ADU-da əvəzsiz rol oynayır və universitetin beynəlxalq təhsil mühitinə töhfə verir.

Mahmut Athar ərəb, ingilis, fars, urdu, rus, fransız, türk, və Azərbaycan dilində sərbəst danışa bilir. 

Mahmud Athar tələbələr üçün ADU-da yeganə xarici müəllim olaraq universitetdə fərqli baxış bucağı və beynəlxalq təcrübə gətirir.

Qeyd edək ki, Mahmud Athar 2025-ci il üzrə Azərbaycan Universitetləri arasında “İlin ən yaxşı əcnəbi müəllimi” seçilib.